గీతా మహిమ - కర్మకు సంబంధించిన శ్లోకాలు - వైష్ణవీయ తంత్రసారము నుండి

జాయతే సతతం సఖ్యం సర్వజీవగణైః సహ

ప్రారబ్ధం భుజంతో వాపి గీతాభ్యాసరతస్యచ  ||32||

సముక్తః ససుఖి లోకే కర్మణా నోపలిప్యతే

మహాపాపాది పాపాని గీతాధ్యాయి తరోతిచేత్  

న కించత్ స్పృశ్యతే తస్య నలినీదలమంభసా  ||33||

 

గీతాభ్యాసతత్పరుడు ప్రారబ్ధమును అనుభవించుచున్నను, సమస్త భూతకోట్లతో నిరంతరము సఖ్యము కలిగి ఉండును. మరియు అతడు ముక్తుడును, సుఖవంతుడు అగును. కర్మలచే అంటబడకనే యుండును. తామరాకును నీరు అంటనట్లు మహాపాపాదులు అతనిని అంటవు.   

 

గీతేత్యుచ్చార సంయుక్తో మ్రియమాణో గతిం లభేత్

యద్యత్కర్మ చ సర్వత్ర గీతాపాఠ ప్రకీర్తితమ్

తత్తత్కర్మ చ నిర్ధోషం భూత్వా పూర్ణత్వ మాప్నుయాత్ ||62||

 

గీత అను శబ్దమును ఉచ్చరించుచు మరణించువాడు సద్గతిని బడయును (పొందును). గీత యొక్క పఠనము, సంకీర్తనము గావించుచు ఏ ఏ కర్మ చేయబడుచుండునో అది అంతయు దోషరహితమై పూర్ణత్వమును పొందుచుండును.